Analiżi komparattiva tat-tliet antoloġiji tal-Letteratura Maltija taċ-Ċertifikat tal-Edukazzjoni Sekondarja

Abstract

Il-letteratura Maltija hi waħda mill-oqsma tal-lingwa ewlenin fis-Sillabu tal-Malti taċĊertifikat tal-Edukazzjoni Sekondarja (ĊES). Din ir-riċerka tagħti ħarsa kritika lejn x’jingħad mill-pedagoġisti varji fuq it-tagħlim tal-letteratura, fuq l-istruttura tal-kotba taliskola, u fuq l-elementi li jsawru l-antoloġiji li ntużaw u li qed tintuża għall-eżami tal- Malti fi tmiem l-iskola sekondarja. Id-dissertazzjoni tippreżenta stħarriġ komparattiv tal-aħħar tliet antoloġiji letterarji: Qawsalla (1990), Bejn Ħaltejn (2011), u Hemm Art fil-Folja (2020). Tingħata ħarsa analitika wkoll lejn is-sillabi differenti b’rabta ma’ kull ktieb u s-sehem tal-letteratura fleżamijiet finali. Il-kittieba, il-ġeneri u t-temi differenti jgħaddu mill-għarbiel kritiku biex jiġu identifikati elementi rikorrenti, bidliet essenzjali u innovazzjonijiet minn ktieb għal ieħor. Peress li dawn l-antoloġiji jaqdu l-funzjoni tal-preżentazzjoni tal-Letteratura Maltija f’kuntest ta’ eżami, tingħata attenzjoni lill-qafas tal-evalwar u b’mod riċenti dak talassessjar ukoll. Mill-analiżi li saret, jinħass li l-eżami tal-letteratura għandu jerġa’ jieħu lforma ta’ żewġ karti separati, u t-temi, il-ġeneri u l-kittieba għandhom jingħatu ħarsa millfond għall-għan tal-istudenti u fl-istess ħin jinżamm l-istandard tal-eżami.