It-tema tas-solitudni fis-sillabu tal-Malti : analiżi kritika u multimodali

Abstract

Dan l-istudju jistħarreġ is-solitudni bħala tema fis-sillabu tal-Malti u bħala problema fost l-istudenti adolexxenti Maltin. L-analiżi ta' din il-kwistjoni huwa bbażat fuq stħarriġ li sar permezz ta' intervisti li saru lill-erba' għalliema tal-Malti tas-sekondarja u erba' ħaddiema u/jew voluntiera ma' kellimni.com. B'rabta ma' dawn l-intervisti, saret analiżi dwar l-impatti akkademiċi u psikoloġiċi tas-solitudni bħala tema fis-sillabu tal-Malti u bħala emozzjoni fl-adolexxenti. Minn din l-analiżi ħarġu numru ta' temi emerġenti li jagħtu xhieda fuq kemm is-solitudni tinħass mill-istudenti adolexxenti Maltin. Il-parteċipanti ta' kellimni.com jaqsmu ħafna esperjenzi dwar l-impatti negattivi tas-solitudni li dejjem qiegħda ssir aktar komuni. Mill-banda l-oħra, l-għalliema tal-Malti wkoll josservaw studenti f'solitudni fl-ambjent skolastiku u jagħtfu l-impatti negattivi li tħalli fuq il-benesseri u l-abbiltajiet akkademiċi tal-istudenti.