Trevor waqt u wara l-qari tal-provi

Abstract

Meta l-editur ta' dan il-ktieb talabni nikteb kelmtejn dwar kif inħares lejn Trevor mill-perspettiva ta' qarrej tal-provi, ħadt żewg deċiżjonijiet importanti, wahda dwar il-kontenut u l-oħra dwar l-istil. Wegħedt lili nnifsi Ii nkun kemm jista' jkun fidil lejn ir-realta' ta' kif seħħ kulma se nirrakkonta u Ii, jiġri x'jiġri, assolutament ma naqax fin-nasba tal-klixejiet. lmma mill-ewwel se nirrokka, għax se jkolli nibda b'sentenza li żgur Ii jgħidha kull min twieled dan l-aħħar nofs seklu u jħobb jaqra bil-Malti. Għalhekk, ngħidu flimkien: "Lil Trevor sirt nafu mill-kotba tiegħu!"

Kunċett u Marinton, Qrempuċu u Mus-Ta-Far, Leli u Betti, Lino u Żaru l-Għakkar, Risk u Jeħuda, in-Nanna Wistina u n-Nannu Tittu ... kollha karattri maħluqa minn Trevor Ii saħħruni fi tfuliti. Uħud minnhom, issa, ili ma narahom snin sħaħ, imma oħrajn erġajt ħbatt maghħom bħala adult, bla ma hiss kont nobsor. Tgħidx kemm fraħt meta bħala għalliem kelli nwassal lill-istudenti tiegħi sa qiegħ il-wied f'Meta Jaqa' ċ-Ċpar u ngħinhom ibexxqu l-fuklar biex jiskopru s-sigrieti mistura fid-dar l-antika tal-Belt f'Fuklar Qadim u Bnadar Imċarrta. lmbagħad bdejt il-kors tal-qari tal-provi, u ma kellux jgħaddi wisq żmien biex did-darba, bi pjaċir u unur akbar, niltaqa' mal-ħallieq ta' dawn l-istejjer u l-karattri.