Kwalunkwe viżjoni strateġika għal tkabbir sostenibbli f'Malta għandha tindirizza l-iżvilupp urban u l-mobilità

Abstract

Malta tinsab f'mument kruċjali. Minn naħa, il-pajjiż bir-raġun qed ikompli jfittex aktar tkabbir ekonomiku. Iżda, min-naħa l-oħra, it-tkabbir jidher li qed iseħħ b'nuqqas ta' ppjanar strateġiku, li jħares 'il quddiem u fit-tul. Deċiżjonijiet meħuda llum li jaffettwaw id-densità tal-popolazzjoni, il-mobilità sostenibbli, l-użu tal-art għall-iżvilupp residenzjali u l-iżvilupp tal-industrija tat-turiżmu u l-infrastruttura li qed tikber, se jiddeterminaw il-futur qrib tan-nazzjon tagħna. Madankollu, l-approċ attwali fejn 'li jgħodd għal wieħed jgħodd għal kulħadd' u n-nuqqas ta' pjan u direzzjoni, qed ikomplu juru li dan huwa approċ inadegwat. Irridu nagħrfu liema oqsma jistgħu jkomplu jsostnu t-tkabbir u liema ma jistgħux. U fejn ikun imfittex it-tkabbir, dan it-tkabbir jeħtieġ li jinbena fuq infrastruttura li tista' tiġi żviluppata flimkien mat-tkabbir tal-popolazzjoni u dak ekonomiku biex dawn il-bidliet iseħħu b'mod effettiv u sostenibbli.