lt-taqtigħat tal-ħassieb-kittieb politiku

Abstract

Din il-kontribuzzjoni tinkludi riflessjonijiet fuq studju li qed nagħmel dwar ix-xogħlijiet ta' Oliver Friggieri bbażat fuq il-kitba tiegħu matul is-snin f'ġurnali, kotba u rivisti ppubblikati, intervisti, esejs, kritika letterarja u anke recordings ta' programmi radjufoniċi li kien jieħu sehem fihom. Ma' dawn hemm ukoll reminixxenzi marbuta mal-ħbiberija antika li kelli ma' Oliver Friggieri f'iktar minn tletin sena. Din il-ħbiberija bdiet f'Ottubru tal-1986 meta ltqajt l-ewwel darba miegħu dakinhar tat-tnedija tal-ktieb Fil-Parlament ma Jikbrux Fjuri meta ke lli tmintax-il sena u minn dakinhar bqajna nikkomunikaw regolari sakemm baqgħet tippermettilu saħħtu. Iżda hawnhekk mhux se nikkonċentra fuq l-esperjenza personali tiegħi iżda se nispjega qafas ta' ana liżi li nħoss hu addattat biex napprezzaw il-ħsieb ta' Oliver Friggieri u r-relevanza soċj ali u politika tiegħu mhux biss f'rabta ma' Malta iżda wkoll ir-relevanza internazzjonali tiegħu. B'mod partikolari, qed inħares lejn il-ħsieb ta' Oliver Friggieri kif rifless fil -kitbiet tiegħu u fuq dawk li jiena nikkonsidra li huma żewġ pilastri tal-ħsieb tiegħu: id-dimensjoni eżistenzjali, jigifieri s-sens ta' eżistenza; u d-dimensjoni epistemoloġika: jiġifieri s-sens ta' għarfien. Fil-fehma tiegħi dawn it-tnejn kienu dimensj onijiet importanti tal–immaġinazzjoni intellettwali u artistika ta' Oliver Friggieri. Id-dimensjoni eżistenzjali hija marbuta mad-definizzjoni ta' Oliver Friggieri tal-letteratura u r-rwol tiegħu bħala kittieb u l-influwenza li j ista ' jkollu bħa la kittieb fis-soċjetà. Min-naħa l-oħra, id-dimensjoni tal-għarfien hi marbuta mat-twemmin ta' Oliver Friggieri fis -sens tal-għarfien bħala l-ikbar qawwa jew poter li jista' jkollu l-bniedem, il-ħtieġa ta' interrogazzjoni jew tfittxija intellettwali kontinwa tal bniedem ordinarju u dgħajjef biex jagħraf lilu nnifsu u jkollu rajh f'idejh.