Il-politika tad-dissens ta' Friggieri mix-xogħlijiet miġbura Fil-gżira taparsi jikbru l-fjuri

Abstract

Wara l-ewwel laqgħat dwar din il-Konferenza tal-lum, il -ħabib tiegħi Dr Mario Thomas Vassallo kell imni dwar tema li nistgħu nitkellmu fuqha - id-Dissens fil-kitba ta' Friggieri: suġġett - id-Dissens Politiku - li hu jaf li jinteressani. "Imma minn fejn naqbad nibda?" staqsejtu. Qilli, m' għandekx fiex titfixkel, aqbad il-ktieb Fil-gżira Taparsi jikbru l-fjuri. lnqerr magħkom, dax-xogħol ma kontx naf bih. U jidher li m'iniex waħdi. Ftit ilu rajt poster b'firxa ta' kotba ta' Friggieri u dal-ktieb ma kienx magħhom. Ir-raġuni probabbilment hija li llum dal-ktieb m'għa dekx issibu għall-bejgħ. Ħasra. Għax veru hemm bżonnu. Qed ngħid hekk għax dan il-ktieb huwa ġawhra tant li nixtieq inħajjar jerġa' jiġi ppubblikat u jintefa' fil-libreriji u fil-kurrikulu tal-iskejjel, ħwienet tal-kotba (li kulma jmur dejjem jonqsu), ħalli għalhekk ikun aċċessibbli għal min s'issa ma kienx jaf bih. Naf li m'għandix ħafna ħin - ħa ndur mill-ewwel għall-ktieb. M' għandix la l-għarfien, u ]anqas il-preparazzjoni biex nagħmel kritika letterarja. Li se nagħmel huwa nislet xi siltiet u nżid il-ħsibijiet tiegħi. Jien, aħna , għandna l-vantaġġ li Friggieri ma kellux. Nistgħu nagħmlu analiżi mogħnija bit-tiġrib taż-żmien tal-qafas ta' ħsieb li mbotta 'l quddiem Friggieri.