Mekkaniżmi ta’ persważjoni fil-lingwaġġ politiku kontemporanju Malti

Abstract

F'din il-kontribuzzjoni nixtieq naqsam magħkom ftit mill-konklużjonijiet tal-istudju tiegħi dwar il-mekkaniżmi ta’ persważjoni fil-lingwaġġ politiku kontemporanju Malti. L-istudju sar madwar 10 snin ilu, bħala teżi tal-baċellerat – fejn fih analizzajt kif il-mexxejja taż-żewġ partiti politiċi ewlenin, li dak iż-żmien kienu Joseph Muscat għall-Partit Laburista, u Lawrence Gonzi għall-Partit Nazzjonalista, iħaddmu għodod lingwistiċi differenti sabiex fl-aħħar mill-aħħar jagħmlu parti importanti minn xogħolhom bħala politiċi – jiġifieri jikkonvinċu lill-udjenza tagħhom. Iż-żewġ diskorsi seħħew f’kuntesti differenti, u minħabba f’hekk se jiġu analizzati b’mod separat, u mhux b’mod komparattiv. Lejn l-aħħar ta’ din il-preżentazzjoni se nagħti titwila qasira għal kif id-diskors politiku evolva bil-massifikazzjoni tal-mezzi soċjali. Illum il-ġurnata, ħafna mill-komunikazzjoni, politika u mhix, isseħħ fuq kanali bħalma huma Facebook, Instagram, Twitter, u TikTok, u b’hekk xtaqt niddedika ftit minuti sabiex naraw x’impatt għandha din il-bidla fuq il-lingwaġġ politiku kontemporanju Malti.