Id-dimensjonijiet figurattivi u intertestwali tal-mara f’Achille Mizzi

Abstract

Din it-teżina tiffoka fuq il-mod kif Achille Mizzi jiddeskrivi lill-mara fil-poeżiji tiegħu, billi juża bini figurattiv u referenzi għal testi oħra magħrufa. L-istudju jinvestiga kif, permezz ta’ dawn it-tekniki, il-mara tidher mhux biss bħala individwa konkreta iżda wkoll bħala figura simbolika u universali. Il-poeta joħloq diversi rappreżentazzjonijiet tal-mara – bħala omm, qaddisa, mara, sieħba kożmika, jew karattru mitoloġiku – li juru kemm il-femminilità tista’ tkun multidimensjonali u toffri tifsiriet profondi. It-teżina tagħti attenzjoni speċjali lill-użu ta’ metafori, similitudnijiet u analoġiji li Mizzi juża biex jagħti lill-mara dehra li tinkorpora kemm elementi tradizzjonali kif ukoll dawk Modernisti. Dan l-insiġ ta’ simboli klassiċi ma’ elementi kontemporanji, bħal dawk xjentifiċi u teknoloġiċi, juri kif l-immaġni tal-mara titkabbar b’rabta ma’ testi storiċi bħall-Bibbja, u l-mitoloġija. Permezz tal-intertestwalità, il-mara fil-poeżiji ta’ Mizzi ssir figura b’ħafna tifsiriet, b’tifsir allegoriku, analoġiku jew metaforiku li jmur lil hinn minn sempliċi rappreżentazzjoni. L-analiżi tat-teżina tiffoka wkoll fuq kif dawn l-elementi talfiguri stilistiċi u r-referenzi letterarji jissawru flimkien biex jagħtu lill-figura femminili dimensjoni evokattiva li timxi minn esperjenzi individwali għal simboli kollettivi u kulturali.