L-impatt tad-diskors dirett fin-narrattiva

Abstract

Din it-teżina tesplora l-użu tad-diskors dirett fin-narrattiva letterarja permezz ta’ ħarsa kritika lejn it-teorija li nkitbet dwaru u twassal għall-analiżi tal-impatt tiegħu fin-narrattiva Maltija. Minħabba li kull perjodu letterarju għandu l-istil tiegħu ta’ diskors dirett, din irriċerka tanalizza kif tħaddem dan it-taħdit fil-perjodu Realist, Modern u dak mis-snin disgħin. Il-perjodu Realist ifittex fid-diskors dirett bħala sinjal ta’ awtentiċità u affidabbiltà li dak li l-qarrejja qegħdin isegwu mhu xejn ħlief ir-realtà. Min-naħa l-oħra, din ir-riċerka tanalizza l-funzjoni u l-impatti li jħalli fuq il-qarrejja. L-istudju jitlaq minn riċerka dwar ilfunzjoni u l-impatt tan-narratur u l-effett li d-diskors dirett iħalli fuq in-narrazzjoni. B’analiżi tal-kunċett tan-narraturi moħbija ta’ Booth, din it-teżina tanalizza d-diskors dirett mhux bħala waqfien tan-narrazzjoni, iżda bħala l-mument li fih in-narraturi jittrasferixxu lvuċi narrattiva lill-karattri. F’din l-analiżi, jidher l-effett li d-diskors dirett iħalli filperċezzzjoni tal-qarrejja rigward id-distanza soċjali u temporali li teżisti bejnhom u lkarattri. Ir-riċerka tkompli b’ħarsa lejn id-diskors dirett imħaddem fil-perjodu Modern bħala mezz sabiex jinħareġ l-innifsi f’konfront mas-soċjetà. Tanalizza wkoll l-impatt li ddiskors dirett kontemporanju nieqes miċ-ċensura jħalli fin-narrattiva mis-snin disgħin, u rrelazzjoni u x-xebh bejn id-diskors dirett u dak indirett, speċjalment dak fl-ewwel u fittieni persuna.