It-teatralità fil-proża skont l-addattament tagħha għat-teatru : il-każ ta’ ‘Fil-Parlament ma jikbrux fjuri’

Abstract

Din it-teżina tesplora l-kunċett tat-teatralità bħala għodda f’forom artistiċi lil hinn mit-teatru, speċifikament fil-proża. Bil-każ ta’ Fil-Parlament ma Jikbrux Fjuri, teżamina kif ċerti elementi teatrali fil-proża jistgħu jiġu addattati għall-palk. L-istudju jipprova jimla l-lakuna ta’ analiżi multidimensjonali tar-rumanz seminali ta’ Oliver Friggieri u taladdattament teatrali ta’ Joe Saliba, bl-għan li tiġi analizzata l-preżenza ta’ elementi teatrali fin-narrattiva ta’ Friggieri skont kif Saliba jaddatta dawn l-elementi, jew joħloq oħrajn, għal fuq il-palk. B’qafas teoriku bbażat primarjament fuq it-teoriji tal-addattament, dan listudju jinvestiga kif l-istrutturi narrattivi u t-temi jiġu ttrasformati matul il-proċess addattattiv. Il-metodoloġija hi msejsa fuq analiżi komparattiva bejn ir-rumanz u l-verżjoni teatrali, b’konsiderazzjoni tal-kuntest soċjopolitiku li wassal għall-elezzjoni ġenerali tal1987 f’Malta. L-istudju jikkonkludi li filwaqt li r-rumanz ta’ Friggieri fih ħjiliet ta’ teatralità, huwa nieqes mill-azzjoni li teħtieġ il-forma teatrali, u dan wassal għal modifikazzjonijiet sinifikanti minn Saliba. Apparti minn hekk, l-addattament ġie meqjus bħala parti minn strateġija politika ikbar għax it-temi tar-rumanz ingħataw sfumaturi ġodda biex tintlaħaq udjenza usa’. It-teżina tagħraf ukoll bżonn għal iktar riċerka rigward itteatralità fil-proża u l-poeżija Maltin b’metodoloġija komparattiva simili.