Osservazzjonijiet fuq il-problematika tas-sbuħija għal Elena

Abstract

Forsi hemm bċejjeċ li nistgħu naqblu li huma sbieħ. Mhux sbieħ l-istess, imma sbieħ. Bħax-xemx nebbiexa u l-larinġ xpakkat ħlewwa. Bħal petalli morbidi u idi maħfuna minn tieghek. Lanqas il-kruha, xi drabi, mhi suġġettiva. Imma dibattibbli bhad-demm, iva. Id-demm il-ħajjiet tal-ħalib u d-darba li ssir mara. Taqa' t-taraġ jew mara magħmula? Inti m'għandekx minn dawn l-ewfemiżmi jrattbu t-tabujiet. Għax id-demm menstruwali tal-mara jibqa' d-demm tal-mara. Bil-kelma tiegħek, id-demm isir att voċiferu biex il-mara tkun. Ma tiddejjaqx mid-demm jew mill-kelma demm. Il-mara u demmha protagonisti. Hi tikteb l-Istorja u hi ssir l-Istorja. Meta fl-2018 ħareġ id-dokumentarju "Period. End of Sentence." ta' Rayka Zehtabchi qamu mill-ġdid diskussjonijiet dwar it-tabujiet tal-menstruwazzjoni. [silta]