Il-mara l-oħra : il-profil letterarju ta’ nisa f’relazzjonijiet ta’ mħabba meqjusin ‘illeċiti’

Abstract

Il-kunċett tal-mara l-oħra jippreżenta figura kumplessa li hija ta’ spiss mistmerra fis-soċjetà. Għalkemm il-preżenza tagħha hija rikonoxxuta fid-dinja kontemporanja, din il-figura ftit li xejn ġiet osservata u analizzata mill-akkademiċi Maltin. Għaldaqstant, l-għan ta’ dan l-artiklu hu li jwessa’ l-għarfien tal-qarrej kemm dwar il-karatteristiċi tal-mara l-oħra, kif ukoll dwar dawk il-letteraturi, kemm lokali kif ukoll internazzjonali, li jagħtu ħajja lil dan it-tip ta’ karattru. L-artiklu għandu tliet taqsimiet. L-ewwel taqsima tagħti ħarsa lejn id-definizzjoni tal-mara l-oħra u kif din tiġi ttrattata fil-letteraturi barranin, b’enfasi partikolari fuq l-evoluzzjoni ta’ din it-tip ta’ mara. Fit-tieni taqsima tiġi diskussa l-mara l-oħra f ’relazzjoni mal-letteratura Maltija, filwaqt li tiġi enfasizzata l-interpretazzjoni tagħha f ’xogħlijiet speċifiċi. L-aħħar taqsima tiġbor il-konklużjonijiet ta’ dan l-istudju, u tipproponi prospetti għal riċerka fil-futur.