Ktejjeb dwar il-ħajja ta’ San Publiju ppubblikat fl-Indja

Abstract

“A Short Biography of St Publius, Martyr Prince & First Bishop of Malta Patron of the Orai Mission” huwa t-titlu tal-ktejjeb miktub mill missjunarju Kapuċċin, Patri George mill-Furjana. Dan il-ktieb (10 x 13.5cm) huwa miktub bl-Ingiż u ġie ppubblikat f’St Joseph Press, f’Jhansi, l-Indja fis-sena 1944. Il-ktieb kien intenzjonat sabiex tinxtered id devozzjoni lejn San Publiju fl-Indja, il post fejn il-Kapuċċini Maltin kienu qed jaħdmu bħala missjunarji f’dak iż żmien. Il-qoxra tal-ktejjeb hija ta’ kulur safrani u hija mill-aktar sempliċi, b’burdura ddisinjata li tiġbor fiha t-titlu tal-ktieb, l-isem tal-awtur, fejn u meta ġie stampat. Fil-qoxra ta’ wara hemm l arma tal-istamperija ta’ dan il-ktieb. Il ktieb għandu n-Nihil Obstat ta’ Fr Leo, Kapuċċin bid-data tat-2 ta’ April 1944; l-Imprimi Potest ta’ Fr F. Xavier, Kapuċċin, is-Superjur Regulari tal Missjoni ta’ Jhansi, bid-data tad-9 ta’ April 1944; u l-Imprimatur ta’ Fr Angelo Poli, Isqof Kapuċċin ta’ Allahabad, bid-data tal-10 ta’ April 1944.