Riħ ħażin u l-poplu Għawdxi

Abstract

F’dan l-ewwel rumanz li kitbu fl-1960 u ppubblikah għaxar snin wara, Ġorġ Scicluna jinqeda bil-lingwaġġ letterarju tattradizzjoni Romantika Maltija biex jagħti prominenza lill-ġrajja tal-Għawdxin fi żmien il-ħakma Franċiża. Il-lingwa konxjament idjomatika li juża tixħet l-attenzjoni fuq il-ġrajja kollettiva li jirrakkonta u l-għeruq fondi tal-komunità u fl-istess ħin tagħti dinjità lill-poplu Għawdxi. Waqt li jwassal il-fatti storiċi ewlenin lill-qarrejja tiegħu, ir-rumanzier jipproponi interpretazzjoni ta’ dik il-ġrajja, li l-protagonista jsejħilha “riefnu li nefaħ fuq artna” (Scicluna 370), billi jagħti prominenza lil ċerti personaġġi u l-kwalitajiet umani tagħhom bħala xempji ta’ dik li għalih hija komunità kulturalment omoġenja u kburija biha nfisha minkejja ċ-ċokon tagħha. [silta]