Qirda ta' karattru

Abstract

Minn studji psikoanalitiċi nistgħu naqbdu f’idejna xi ħjut imżarrda mill-kobba mħabbla li huma t-taħwida ta’ ġibdiet u xejriet qerrieda minsuġin ġo xulxin u kontra xulxin. Aħna l-Maltin bħal ġnus oħra għandna quddiemna l-periklu tal-qerda tagħna nfusna minħabba din il-ġlieda bejn bniedem u bniedem, bejn nazzjon u nazzjon. Il-qawmien favur l-ilsien Malti ġie l-ewwel nett minn fost il-ħaddiema, megħjunin minn xi intellettwali li kienu ħarġu mill-klassi tal-ħaddiema. L-akbar traġedja li jista’ jiġrilu pajjiż żgħir hu li jkollu jiġġieled għall-ħarsien tal-identita nazzjonali tiegħu kontra xi wħud tal-pajjżi tiegħu, li għal xi raġuni, jkunu tilfu l-identita nazzjonali tagħhom.