Anton Inglott (1915-1945) : kapolavur fil-knisja Parrokjali ta' l-Imsida

Abstract

Kull darba li l-festa, jew xi okkażjoni oħra ddaħalni fil-knisja parrokkjali ta' San Ġużepp ta' lImsida, għajnejja jistrieħu u jitpaxxew bl-apside tal-kor li fiha naraw il-mewt ta' dan il-qaddis, impittra minn Anton Inglott (1915- 1945). Fil-gżejjer tagħna għandna bosta pitturi simili li jinsabu filknejjes ta' San Pawl tal-Belt, talFurjana, tal-Gudja, ta' Ħaż-Żebbuġ, tal-Qala u tal-Fontana Għawdex flimkien ma' oħrajn. Dawn saru kollha minn artisti u fi żminijiet differenti. Huma kollha sbieħ, iżda f'din tal-knisja ta' l-Imsida wieħed iħoss fiha ċerta spiritwalita u kif ukoll serenita' kbira ta' mewt ta' bniedem qaddis. Dan ix-xogħol ta' Inglott hu magħdud fost l-aqwa kapolavuri ta' l-arti sagra Maltija magħmula fisseklu għoxrin.