L-arti fil-knisja parrokkjali ta l-Imsida

Abstract

Il-Knisja parrokkjali tagħna nbniet fi tmiem is-seklu dsatax (1886- 1891) fuq stil Neo-Barokk skond il-gosti tal-Maltin ta' dak iż-żmien. Dan l-istil kien speċi ta' reazzjoni kontra l-istil Neo-Klassiku li lImperu Ingliż kien jimponi fuq il-kolonji bħala espressjoni ta' qawwa u dominanza. Il-Maltin b'nostalġija, kienu ntrabtu ma' l-istil barokk u sa ċertu punt, dan l-istil għadna xi ftit marbutin miegħu fejn tidhol dekorazzjoni tal-knejjes. L-arkitett kien Andrea Grima (1855-1918) minn Hal Luqa u li dik il-ħabta kien jgħix 1-lmsida.Fittifsila tal-knisja tagħna wera li kellu sens qawwi ta' proporzjon u inġinerija stupenda. Is-sabiħ ta' din il-knisja, meta mqabbla ma' oħ rajn eqdem minnha hu li nbniet bi pjanta waħda u bi stil wieħed. F'parroċċl oħrajn in-navi, u kultant il-koppla żdiedu wara u mhux dejjem armonizzaw sew mal-kumpless tal-bini. Kemm mil-lat arkitettoniku, kif ukoll mid-dekorazzjoni li saru fiha fil-medda ta' l-aħħar mitt sena, nistgħu ngħidu li l-knisja ta' lImsida hija monument għall-arti sagra tas-seklu għoxrin. Bilkemm kienet lesta l-istruttura tal-knisja, li l-Misidjani ħasbu biex jgħammruha b'dak kollu li hu meħtieg biex ma tkun xejn anqas minn parroċċl oħra ferm eqdem u bi tradizzjoniji twila warajhom. L-għażla ta' l-artisti dejjem saret bil-għaqal: l-aqwa skond iż-żmien u lkoll ħadmu u taw l-aqwa tagħhom biex jarmonizzaw bejniethom u jsebbħu dan il-post qaddis filwaqt li jkabbru l-fama tagħhom.