Il-letteratura komparata u l-internazzjonalizzazzjoni ta' kultura nazzjonali

Abstract

Fid-dinja tal-lum, ħafna mill-fruntieri ekonomiċi, politiċi u soċjali li tradizzjonalment kienu jifirdu l-ġnus u pajjiżi, issa qed jaqgħu b’ritmu mgħaġġel. Il-glasnost u l-perestrojka mhux biss qed iwettqu bidla radikali fil-politika interna tal-Unjoni Sovjetika iżda wkoll fir-relazzjonijiet ta’ bejn il-pajjiżi tal-blokk tal-Lvant u tal-Punent. Wieħed mill-approċċi kritiċi li jgħin biex jaqla’ aħjar il-kwalitajiet universali f’xogħlijiet ta’ natura letterarja hu dak tal-letteratura komparata. Ninu Cremona fassal xi studji kritici tieghu fuq il-letteratura Maltija bil-kejl tal-komparazzjoni. Xi akkademiċi oħra li ħadmu bil-metodu tal-komparazzjoni f’xogħlijiethom huma Ġuże Aquilina, Ġuże Cassar Pullicino, Dwardu Fenech u Oliver Friggieri.