Għanja Maltija għal-lum

Abstract

Analiżi fuq l-istorja u l-iżviluppi ewlenin tal-għanja Maltija u suġġeriment ta’ pjan nazzjonali li bih l-għanja Maltija tista’ tiżviluppa ‘l quddiem. Fis-sens dejjaq u tekniku tagħha, il-kelma “għana” tindika l-għana tradizzjonali. Pero f’dan l-artiklu l-għana hu mifhum f’sens usa’ u jiġbor fih kull għamla ta’ lirika qasira mżewġa mal-mużika. L-għanja Maltija hi dik li għandha tema tal-lirika u idjoma mużikali li l-punt tat-tluq u l-punt tal-wasla tagħhom jinsabu fis-sitwazzjoni Maltija. L-għanja Maltija hi dik li tinterpreta l-ħajja ta’ niesna f’xi wieħed mill-aspetti tagħha.