Keats : ir-rużinjol fuq l-għatba tat-tmiem

Abstract

Minkejja li miet qasir il-għomor, John Keats irnexxielu jħalli warajh wirt ta’ poeżiji li fl-universalita tagħhom ipoġġuh fost il-poeti ewlenin ta’ kull żmien. Il-karriera poetika tiegħu nfirxet fuq l-aħħar ħames snin ta’ ħajtu, wara li l-ewwel ġabra ta’ poeżiji ma tantx għamlet ħoss. Il-versi ta’ Keats jixhdu mħabba għan-natura li għal xi ħin titilfek fil-ġmiel tagħha. Keats jagħżel li jaħrab mir-realta sewwasew għax m’għandux ħliefha. Charles Dalli qeleb il-poeżija “Fancy” ta’ Keats għall-Malti fl-1988.