Tislima lil Pietru Pawl Saydon

Abstract

Għad-Dipartiment tal-Malti u għall-Għaqda tal-Malti l-isem ta' Saydon hu għażiż ħafna u mimli tifsir, kif għandu jkun għall-pajjiż kollu. M'hemmx il-ħtieġa li nsemmi s-sehem kbir li ta waħdu dan il-persunaġġ kbir lill-kultura Maltija, iżda jixraq li nislet xi ħsibijiet li jistgħujgħinu biex il-figura tiegħu tkun apprezzata aħjar. Il-fatt li bil-ħidma tagħna fl-Universita għandna sala msemmija għalih hu ċkejken ħafna u l-bidu ta' l-għarfien kollu li jistħoqqlu. L-Universita kollha għandha tkun kburija bi professur u studjuż ta' din l-istatura. F'egħluq l-għoxrin sena minn mewtu, li jaħbat ma' egħluq is-sittin sena ta' l-Għaqda, insellmu littifkira għażiża u meqjuma tiegħu u nagħmlu ħilitna kollha biex ismu jibqa' jgħix. Iżda rriduh igħix bil-fatti, u l-fatti jitolbu bidla mill-qiegħ, modernizzazzjoni u aġġornament tal-mentalita, tħaddim ta' kriterji li jressquna lejn id-dinja emanċipata u ħielsa ta' barra, twarrib tal-preġudizzji qodma u bla tifsira li għadhom jitwaħħru fostna.