Il-Malti u l-Ingliz fl-iskejjel

Abstract

Għalkemm it-tagħlim tal-Malti jidher li rabba l-għeruq fl-iskejjel kollha, madankollu nibżgħu li għad ma għandux għeruq ħoxnin biżżejjed biex jiflaħ iħoss sħiħ. L-Ingliż għandu jkollu l-post li jixraqlu bħala lsien tal-bandiera li qiegħda tħarisna u bħala lsien li jiftaħ lill-ħaddiem triq fid-dinja kollha. Jekk il-Malti ma tagħtihx il-mezzi kollha biex jitgħallem, jaqra u jikteb tajjeb u jifhem, tkun qed tisraqlu wieħed mid-drittijiet li tatu in-natura. L-ilsien Malti jagħmilna Maltin, jagħżilna minn ġnus oħra, jagħtina l-individwalità tagħna. Meta bniedem iħoss fih il-kuxjenza tal-individwalità tiegħu jħoss ruħu daqs kull bniedem ieħor ta’ pajjiżi akbar.