L-onomastika letterarja

Abstract

L-onomastika hi l-istudju tat-tismija u tista’ sservi ta’ għodda kritika sabiex jiġu analizzati r-relazzjonijiet ta’ ħkim f’test letterarju, billi l-għoti ta’ isem lil xi ħadd jaf jindika relazzjoni ta’ ħakma fuq min qed jingħata l-isem. Minkejja s-siwi tal-onomastika għal-letteratura bħala għodda kritika, fuq livell popolari din il-fergħa ta’ studju hi magħrufa l-aktar fl-oqsma tas-soċjologija u l-antropoloġija, l-istorja u l-lingwistika.