Il-varjazzjoni lessikali fil-qasam tal-hobz

Abstract

L-għan ewlieni ta’ din it-teżi huwa li nagħmel stħarriġ tal-varjazzjoni lessikali fir-reġistru tal-ħobż. Jidher li xogħol ta’ dan it-tip dwar ir-reġistru tal-ħobż qatt ma sar u għalhekk l-istudju tiegħi se jkun iffukat fuq hekk. Se nanalizza jekk ir-reġistru tal-ħobż ivarjax minn lokalità għal oħra, bejn sess u ieħor u minn età għal oħra. Filwaqt li nkun qed niġbor it-tagħrif biex nilħaq dan il-għan, żgur li se niltaqa’ ma’ lessiku marbut ma’ dan il-qasam u għaldaqstant ħsibt li niġbru wkoll biex ma jintilifx. Dan huwa sewwasew l-għan sekondarju tat-teżi. L-għan sekondarju ta’ dan ix-xogħol se nilħqu billi niġbor it-termini għall-glossarju minn diversi sorsi bħal pereżempju (i) minn xi qari li se nagħmel dwar il-qasam tal-ħobż, (ii) permezz tal-intervisti ma’ furnara li xi wħud minnhom kellhom il-magni antiki li kienu jew għadhom jużawhom u b’hekk, waqt l-intervisti ħarġu b’mod naturali termini partikolari; u (iii) waqt l-intervisti ma’ 123 kelliem minn lokalitajiet differenti.