Analizi ’70 (it-tielet kwartett)

Abstract

Wara l-merħba li kellhom "Kwartett" (1966) u "Antenni" (1968), issa jmiss it-tielet damma ta' poeżija li ġġib l-isem ta' "Analiżi '70". Mario Azzopardi jissokta fejn ħalla f"'Antenni", waqt li Daniel Massa jerġa' jidher b'ġabra ġdida mindu l-poeżija tiegħu dehret fl-ewwel kwartett. Ir-raba' awtur huwa Oliver Friggieri, kritiku letterarju barra li poeta, u wieħed mit-tliet awturi li fI-1967 ħarġu flimkien bil-ġabra "Dħaħen fl-Imħuħ". L-erbgħa li aħna għandna t-twemmin poetiku tagħna li mhux dejjem jaqbel, iżda l-erbgħa ninsabu tal-fehma li l-poeżija hi mezz ta' komunikazzjoni soċjali. Minkejja li ċerti kritiċi ta' żmienna jemmnu li l-poeta modern qiegħed jagħmel djalogu miegħu nnifsu, aħna nistqarru li d-djalogu tal-poeżija tagħna hu bejn l-awtur u l-qarrej. Din il-ġabra trid tilħaq żewġ għanijiet: l-espressjoni poetika ta' kull wieħed minna, u t-tkabbir tal-Letteratura Maltija li tagħti tifsira elevata lill-pajjiż u lill-ħajja tagħna.