L-identita` kulturali ta' Malta - il-muzika

Abstract

Biex wieħed jifhem sewwa l-isfond tal-kultura Maltija, wieħed irid iżomm quddiem għajnejh ir-rabtiet storiċi li l-gżira ta' Malta kellha matul is-snin, u li b'mod jew ieħor ħallew il-marka tagħhom fuq il-ħajja soċjali u kulturali tagħna. Għalkemm l-evidenza bil-miktub ta' attivita` mużikali hawn Malta titfagħna lura anqas minn erba' sekli jiġifieri madwar is-sena 1600, naħseb li wieħed jista' liberament jassumi li din l-attivita` għandha l-egħruq tagħha fiċ-ċpar tal-preistorja. Ir-reġjun tal-Mediterran huwa meqjus bħala benniena taċ-ċivilta' u Malta, li tinsab fin-nofs ta' dan ir-reġjun, qatt ma setgħet taħrab jew ikollha immunita' mit-taqlib kbir politiku u kulturali li mill-eqdem żminijiet ħakmu din il-parti tad-dinja, hekk kif nazzjon wara nazzjon, dinastija wara dinastija, reliġjon wara reliġjon, iġġieldu u tqabdu għas-supremazija ta' dan il-littoral.