It-tagħlim tal-partiċipju attiv semitiku fil-Malti bħala lingwa barranija

Abstract

Din it-teżi se tiffoka fuq il-ħolqien tar-riżorsi dwar il-partiċipju attiv verbali Semitiku fil-Malti. Dawn ir-riżorsi huma maħluqa għal dawk l-istudenti li qed jitgħallmu l-Malti bħala lingwa barranija. Minbarra li l-istudenti se jitgħallmu kif jagħmlu użu minn dan il-kunċett grammatikali b’mod tajjeb fil-lingwa hekk ukoll huma se jitgħallmu l-ammont ta’ tifsiriet li jappartjenu lil kull wieħed. Il-pakkett tar-riżorsi ser ikun fih għoxrin riżorsa, maqsuma fi tnejn: moderni u tradizzjonali. Ir-riżorsi huma fi gradazzjoni, jibdew mill-eħfef u aktar ma jmur ir-riżorsi aktar isiru ta’ sfida għall-istudenti. Dawn jinkludu varjetà wiesgħa ta’ eżerċizzji li l-għalliema jistgħu jużaw waqt il-lezzjonijiet tagħhom, fosthom karti tat-taħriġ, taħriġ il fehem, kwiżis diġitali, logħob interattiv, preżentazzjonijiet PowerPoint u l-bqija. Minbarra l ħolqien tar-riżorsi, parti mill-ħidma ta’ din it-teżi tiffoka fuq il-proġett MaltiTek. F’dan il proġett ikkoreġejt il-familja kollha tal-għaxar verbi (għadda, ġej, mar, daħal, ħareġ, resaq, niżel, mexa, tela’ u telaq) li minnhom joħroġ il-partiċipju attiv verbali Semitiku. Dan sar sabiex dawn il-familji jiġu ppublikati fil-‘Ġabra’.