ld-deċentralizzazjoni u l-kunsilli lokali

Abstract

Kull individwu 'I bogħod mil-poter u 'I bogħod minn xi amministrazzjoni, dejjem ħaseb f`possibilitajiet sabiex kemm jista' jkun il-vuċi tiegħu tkun waħda li tinstema u tħalli effett. Dan il-bżonn inħass b'mod partikolari anke f`Għawdex għax peress li l-gżira tagħna tifforma parti minn arċipelagu u m'hix il-main island, dejjem ħassejna n-nuqqas ta' terti servizzi essenzjali, kemm fl-amministrazzjoni, edukazzjoni u servizzi baziċi oħrajn. Jekk wieħed ifittex fl-istorja nsibu li missierijietna fittxew ukollli jqarrbu dan il-poter. Hekk per eżempju insibu gvernatur u ġurati li kienu jmexxu l-amminstrazzjoni t'Għawdex, insibu l-universita', u saħansitra anke daqqa ta' mitejn sena ilu Għawdex kellu wkoll il-Gvern tiegħu. Jekk nimxu aktar 'il quddiem insibu li bejn l-1961 u 1973 Għawdex ibbenefika anke minn Kunsill Civiku. Fl-1987 Ghawdex ingħatalu Ministeru, li għadu jeżisti sal-lum ħlief għal sentjen bejn 1996 u l-1998 li flak Ministeru kien hawn Segretarjat Parlamentari. Pero' il-qofol tad-deċentralizzjoni ta l-poter intlaħaq fl-1993, meta l-Parlament Malti approva l-liġi li permezz tagħha ġew imwaqfa f`pajjiżna 67 Kunsilli Lokali li 14 minnhom jinsabu fil-gżira Għawdxija.