Analiżi tal-iżbalji ortografiċi fil-komponimenti tal-primarja

Abstract

L-ortografija ta’ lsienna, matul l-istorja uffiċjali tagħha ta’ ftit anqas minn mitt sena, ta’ spiss tqieset bħala fattur inkwetanti minn xi wħud. Għadna sal-lum naraw Malti miktub ħażin. Għalhekk, il-mistoqsija tiġi waħedha: il-għaliex, wara dawn is-snin kollha, donna ma nistgħux nieħdu r-ruħ fejn tidħol il-kitba tal-lingwa tagħna stess? Minn dejjem kienet tberren f’moħħ l-awtriċi din il-mistoqsija u għalhekk xtaqet li bir-riċerka tagħha tipprova titfa’ aktar dawl fuq dan il-fenomenu li donnu jrid ikompli jinkwetana.