Stedina ta' Vassalli : studju kritiku u komparattiv

Abstract

Xi snin wara li reġa' lura Malta mill-eżilju, Vassalli b'xorti tajba kien iltaqa' ma' John Hookham Frere. Fl-1823 jidher li Frere kien introduċieh maċ-Church Missionmy Society, għaqda Anglikana, u fl-1825 daħhlujgħallem il-Malti fl-Università għax kien japprezza l-ħila akkademika tiegħu. Il-kollaborazzjoni maċ-CMS lil Vassalli aktarx swietlu biex jaġġorna l-istudji tiegħu. Mhux l-ewwel darba li mill-istamperija taċ-CMS kienu joħorġu kotba akkademiċi marbutin ma' l-ilsien Għarbi u wieħed jistenna li Vassalli kellu aċċess għal dawn il-kotba. Ngħidu aħna, fis-27 ta' Jannar ta' l-1827 ir-Rev. William Jowett, li kien imexxi din l-istamperija, kellu l-permess tal-Gvernatur biex jistampa siltiet mill-Grammaire arabe u mill-Chrestomathie arabe ta' Silvestre De Sacy. Jowett kellu jistampa l-kopji bit-Taljan, bil-Grieg u bl-Għarbi u kien marbut li jxerridhom barra minn Malta.