Tibża' xejn jekk tibda x-xita : 13-il poeżija, għanja, u riklam

Abstract

Il-kaġun ewlieni tal-isfruttament tat-tfal fix-xogħol huwa l-faqar. Peress li ħafna drabi l-paga li jaqilgħu l-ġenituri mhix biżżejjed biex tipprovdi dar, ikel u ħwejjeġ għall-familja, it-tfal ikollhom joħorġu jaħdmu. L-akbar sfruttament tal-ħaddiema tfal jinsab fil-produzzjoni tal-ikel, l-aktar fil-qasam tal-kafe, il-kawkaw, il-banana, il-larinġ u z-zokkor. Fatou għandha ħames snin u nofs. Tgħix il-Możambik. Taħdem fi pjantaġġun tal-banana. Trid tgħin lill-ġenituri tagħha jiġbru l-banana. Imma ma titħallasx. Ħafna drabi fuq rasha jkollha ġġorr tagħbija ta' banana itqal minnha stess. Oqsma oħrajn li fihom ikollhom jaħdmu t-tfal huma l-qoton u t-tessuti, it-tapiti, il-ġojjellerija, u l-blalen tal-isports. Imma hemm ukoll ħafna tfal bħal Arturo, li għandu 14-il sena u jgħix f'Cajamarca l-Peru. Kull filgħodu, fil-5.30, jerħilha lejn pompa tal-petrol fil-belt ċkejkna fejn joqgħod biex jaħsel il-karozzi. Bix-xogħol tiegħu jgħajjex lill-familja tiegħu. Jingħad li kien hemm mien fil-bidu tas-seklu 21 meta fil-Kosta tal-Avorju, fejn jitkabbar nofs il-kawkaw għall-industrija dinjija taċ-Ċikkulata, iktar minn 200,000 tifla u tifel kienu qed jaħdmu f'kundizzjonijiet perikolużi fil-pjantaġġuni tal-kawkaw, ħafna minnhom ittraffikati mill-Burkina Faso u l-Mali, u wħud minnhom saħansitra subien ta' disa' snin. Ħafna mit-tfal ma tħallsux ta' xogħolhom. Jingħad li kienu jsawtuhom u wħud mis-subien li ppruvaw jaħarbu qatluhom. Din hija parti mir-realta mdewba fiċ-Ċikkulata li nieklu.