Il-perspettivi tal-istudenti meta jiltaqgħu ma’ dizzjunarju : analiżi kritika

Abstract

F’din ir-riċerka stħarriġt il-perspettivi tal-istudenti adolexxenti meta jiltaqgħu ma’ dizzjunarju. Id-dizzjunarju użat għal din ir-riċerka kien id-dizzjunarju ta’ Aquilina mill-Malti għall-Ingliż (żewġ volumi). Dawn il-perspettivi ħarġu primarjament minn sett ta’ attivitajiet li ġew imwettqa f’ħin stipulat waqt il-ħin tal-iskola. Il-parteċipanti kienu mqassma f’żewġ gruppi; dawk li jħobbu d-dizzjunarju u dawk li ma jħobbuhx. Permezz ta’ dawn il-perspettivi ħriġt ir-riżultati ta’ din ir-riċerka. Ir-riżultati, għalkemm f’xi waqtiet kienu kuntrastanti, urew b’mod ċar li ż-żewġ gruppi qablu fuq dak li jħossu meta jaraw u jagħmlu użu mid-dizzjunarju, irrispettivament jekk kinux iħobbuh jew le. Għalhekk, ir-riżultati ta’ din ir-riċerka kienu ppreżentati f’ħames temi u minn dawn it-temi stajt noħroġ numru ta’ suġġerimenti. Is suġġerimenti kienu mibnija fuq dak li pproponew l-istudenti fl-attivitajiet u fuq il konklużjonijiet tiegħi wara li xtarrjet tajjeb dak li ħareġ minn kull attività. Dawn is suġġerimenti ngħataw bi skop li jgħinu lir-riċerkaturi u l-edukaturi futuri jressqu lit-tfal u l adolexxenti aktar viċin it-tagħlim tal-lessikografija.