Analizi tal-kuncett tal-kruha u difetti fizici fil-proza Maltija

Abstract

F’din it-teżi se jiġi studjat kif tidher il-kruha fiżika fil-proża Maltija billi ssir analiżi komparattiva ta’ tipi ta’ kruha fiżika li jidhru f’rumanzi ta’ ġeneru Storiku-Romantiku, SoċjoRealista, u Modern. Għaldaqstant se jiġi identifikat min huma l-karattri l-koroh u liema tip ta’ kruha għandhom. Irid jiġi stabbilit pereżempju, humiex persunaġġi taż-żewġ sessi li jingħataw il-kruha, jew jekk il-kruha hijiex kwalità li tingħata lil xi sess aktar minn ieħor; jekk issirx differenza: fl-età tal-persunaġġ; jekk il-persuni b'età kbira biss jidhrux biss koroh, kif inhi d-dehra taż- żgħażagħ u t-tfal u x'jingħad għax-xjuħ. Se jidher jekk dawn jissemmewx ta' spiss fir-rumanzi. fin-nazzjonalità; jekk hemmx differenzi fiżiċi minn nazzjonalità għal oħra u se jidher liema huma n-nazzjonalitajiet li jissemmew permezz tal-karattri. fil-klassi soċjali; jekk hemmx klassijiet differenti u liema huma. Se jiġi speċifikat liema dehriet partikolari jissemmew ta' spiss fuq nies ta' klassi soċjali baxxa u dehriet oħra fuq nies tal-klassi l-għolja u x'qegħdin juru fuq dik il-klassi. It-tipi ta' kruha li se jidhru f'din l-analiżi se jinqasmu f'dehra, difetti fiżiċi, mard, faqar u xjuħija. Dawn it-tipi lkoll se jidhru fuq persunaġġi differenti, li kull wieħed minnhom għandu t-tip ta' ħajja tiegħu. Kull darba li jiġri dan, se jiġu studjati l-modi kif kittieba differenti jwasslu l-idea tal-kruha.