Kif sejra Malta?

Abstract

Ir-risposta skond ir-riga li tuza. Jekk ir-riga hija dik li tkejjel il-ġid materjali, il-flus li naqilgħu u li nonfqu kull sena, cioe’ il-Prodott Gross Domestiku, allura sejrin tajjeb - sija bħala kwantita assoluta u anke minn ras għal ras, bħala medja. Sejrin tajjeb f’dak li hu tkabbir ekonomiku anke meta tqabbilna mal-pajjżi avvanzati. Qabel faqqgħet il-pandemija konna sejrin aħjar milli qatt morna fl-istorja ekonomika tagħna. Imma jekk nistaqsu jekk żdiedx il-ġid ta’ min hu fqir, ir-risposta tkun inqas feliċi. Għalkemm teżisti l-ideja li meta l-ekonomija tikber igawdi kulħadd, fil-verita’ biex il-ġid jitqassam u jasal anke għand min jgħix fi stat ta’ faqar hemm bżonn politika speċifika, immiriata għal dawk is-setturi tas-socjeta’ li jikber kemm jikber il-Prodott Gross Domestiku, xorta ma jmisshomx. Jidher, li minkejja dak kollu li sar, f’dawn l-aħħar snin, is-sinjur stagħna u l-ifqar fost il-fqar tfaqqru. Skond l-aħħar figuri, ħamsa fil-mija tal-Maltin issa għandhom bejniethom 40 fil-mija tal-ġid – ħafna iktar milli kellhom għaxar snin ilu.