Traduzzjoni u analiżi ta' manwal ta' vettura flimkien ma' glossarju tekniku relatat

Abstract

Din id-dissertazzjoni tittratta l-qasam tat-traduzzjoni u għalhekk, tinkludi fiha traduzzjoni mill-Ingliż għall-Malti ta' partijiet minn manwal ta' vettura, dokument tekniku miksub mill ġeneru tal-inġinerija mekkanika. Għaldaqstant, l-għan primarju tagħha huwa li tiġi eżaminata l-lingwa għal skopijiet partikolari, jiġifieri dak teknoloġiku. Wieħed mill-elementi l-aktar importanti huwa li tingħata l-informazzjoni meħtieġa lill-qarrejja b'tali mod li tasal għandhom b'mod xieraq, aċċessibbli, ċar u effettiv. Il-mira tad-dissertazzjoni hija li jiġu analizzati l fatturi tad-dokument oriġinali, bħall-istil u l-lingwaġġ u kif dawn jistgħu jgħaddu għad dokument tradott. Dan ifisser li bis-saħħa tar-riċerka dwar il-Malti wieħed jista' jara kif din il lingwa qiegħda attwalment tintuża fil-qasam mekkaniku u għalhekk, hija lingwa li taf toħloq lingwaġġ speċjalizzat. Barra minn hekk, it-traduzzjoni saret għall-konvenjenza tal-qarrejja li jkollhom "servizz" bħal dan bil-Malti u b'hekk, il-prodott ikun daħal fis-suq b'informazzjoni neċessarja li jistgħu jsibuha bil-lingwa lijkunjixtieq il-konsumatur.