Analiżi tal-metafori rikorrenti fid-diski tal-Beatles, hekk kif inhuma riflessi fil-musical 'Across the Universe' f'dawl it-teoriji tal-istudji tat-traduzzjoni

Abstract

L-għan ewlieni ta' dan ix-xogħol hu Ii ssir traduzzjoni tal-lirika ta' diski tal-Beatles, hekk kif intużaw fil-musical 'Across the Universe' iżda msaħħa b'riċerka ddettaljata fuq it-teoriji tat- traduzzjoni. Riċerka tajba tgħin lit-traduttur biex jifhem l-iskop tat-traduzzjoni kif ukoll iżomm fmoħħu fatturi importanti biex joħroġ prodott finali tajjeb. Dan ix-xogħol tat traduzzjoni gie rrekordjat fuq DVD Ii juri r-riżultat tat-traduzzjonijiet mill-Ingliż għall-Malti kif ukoll il-kuntesti differenti Ii fihom qiegħed it-test. Karatteristika fundamentali ta' dan il-musical hija r-rwol li għandha l-lirika tad-diski. Filwaqt Ii f'musicals oħra l-lirika tintuża biex iddur mal-istorja u xi drabi jinbidel parti minnha bi ex tiġi taqbel mal-kumplament, f'Across the Universe' ma jiġrix hekk. Il-lirika tad-diski tal- Beatles tibqa' l-istess, kelma b'kelma bħall-oriġinal anke fil-musical u l-istorja tinbena permezz tal-lirika stess. Għalhekk l-istess test tqiegħed fkuntesti differenti u l-parti tar- riċerka se tidħol fil-fond tal-elementi Ii jsawru l-interpretazzjoni ta' test u r-rwoli differenti Ii għandhom jitħarsu meta ssir traduzzjoni.