It-tema tal-edukazzjoni fir-rumanz soċjali

Abstract

Din id-dissertazzjoni tittratta l-kawżi u l-effetti tan-nuqqas ta' tagħlim fl-ewwel nofs tas-Seklu Għoxrin. Dan ix-xogħol jistħarreġ t-taqbida tar-rumanziera soċjalisti fix-xena edukattiva Maltija matul it-tletinijiet u l-erbgħinijiet biex tiġi emanċipata l-klassi tal-ħaddiema. Issir analiżi ta' kif hi esposta t-tema tal-edukazzjoni f’kull rumanz. Il-konklużjoni tittratta l-importanza tat-Teorija Kritika u l-edukazzjoni bħala l-bażi fundamentali tas-soċjetà. Fl-aħħar jinsiltu l-konklużjonijiet wara dan l-istudju fuq ir-rumanzi partikolari u l-aspetti komuni li hemm bejn ir-rumanziera.