Lejn il-ġrajjiet tas-7 ta’ ġunju u l-istudenti universitarji

Abstract

Il-ġrajjiet li wasslu għall-irvellijiet tas-7 ta' Ġunju tista' tgħid missew is-setturi kollha tas-soċjeta Maltija. Dan ma setax jonqos minħabba l-fatt li kien hemm wisq entitajiet u setturi li kienu qed jogħtru taħt ilpiż tar-realtajiet attwali - politiċi, soċjali, ekonomiċi - u jaspiraw għal futur aħjar. Protagonisti tal-ħajja Maltija kienu qed iħossu li kien hemm bżonn ta' bidla għall-aħjar u biex din isseħħ kellhom isibu l-mezzi biex jaħsbu, jaħdmu u jaġixxu. Fost dawk il-gruppi u setturi f'Malta li kienu ta' din il-fehma kien hemm l-istudenti universitarji li filwaqt li kienu qed jieħdu formazzjoni biex 'il quddiem ikunu s-sinsla intellettwali u professjonali tal-pajjiż, kienu qed iħossu fuqhom il-pressjoni tal-Gvern Kolonjali li kien qed jara kif se jdaħħal bidla fil-gradi akkademiċi li huma kienu qegħdin jistudjaw għalihom fi-Universita ta' Malta. Dan kien fatt gravi li kompla żdied mal-preokkupazzjonijiet l-oħra li l-klassi studenteska kienet qed tħoss fi-istess żmien.