L-arti tan-nar

Abstract

Bi djalett ġeneralment nifhmu varjeta tal-lingwa marbuta ma' reġjun partikolari. Ngħidu aħna, fil-gżejjer Maltin insibu djaletti bħax-Xlukkajr, iz-Żurrieqi, il-Mosti, il-Mellieħi, is-Sannati, u bosta oħrajn. Minbarra dawn id-djaletti reġjonali, insibu wkoll għadd kbir ta' djaletti soċjali, varjetajiet tal-lingwa assoċjati ma' taqsima tas-soċjeta, ma' grupp ta' nies Ii għandhom l-istess interessi, sengħa, xogħol, passatemp, inkella Ii jużaw il-lingwa f'ċirkustanzi simili. Nistgħu mela nitkellmu fuq il-lingwaġġ legali, sportiv, mediku, mużikali, ġurnalistiku, u l-bqija. Nies midħla ta' oqsma bħal dawn maż-żmien aktarx jiżviluppaw vokabolarju speċjalizzat, binjiet grammatikali partikolari, u karatteristiċi lingwistiċi oħrajn Ii jagħżluhom mill-kumplament. Fosthom hemm il-lingwaġġ pirotekniku, Ii Carlston ħaseb Ii jdommu b'reqqa kbira fid-dizzjunarju Ii għandek f'idejk. Fih ġabra imprezzabbli mhux biss tat-termini Ii jintużaw fin-nar tal-art u n-nar tal-ajru, imma wkoll tal-espressjonijiet Ii jintużaw fil-proċessi involuti fit-tlestija tal-porvli, tal-istilla, u tal-berqa, fost l-oħrajn. Ġabar saħansitra l-ismijiet tal-elementi u s-sustanzi kimiċi Ii l-pirotekniku jħallat flimkien biex joħloq l-effett, il-ħoss u l-kulur mixtieq.