Ir-ritmi tal-interruzzjoni fil-lirika ta’ Oliver Friggieri

Abstract

Ħafna xbihat poetiċi ta' Oliver Friggieri bilkemm jistgħu jissejħu konċepibbli. Jekk l-iskop tal-analoġija huwa t-tqegħid ta' kunċett astratt fil-qabda tas-sensi umani, fil-lirika ta' Friggieri l-oġġett figurattiv sikwit jitlef is-sura u l-funzjoni normali tieghu, u qajla jista' jahdem bhala rapprezentazzjoni kompluta. "Pellegrin Distratt" hija l-aħjar eżempju tal-iskema ta' entitajiet analoġiċi intercettati ftit qabel ikunu ssodisfaw imqar id-dehra kompluta - u allura l-perċezzjoni sħiħa-tagħhom. Meta jisfaw interrotti b' dan il-mod, il-figuri analoġiċi jagħtu lill-qarrej l-opportunita li jgħix il-kriterju ewlieni tal-eleġija (it-tiġrib tat-telfa) bhala esperjenza tal-qari nnifsu. Fejn ix-xbihat interċettati jirrikorru matul medda twila ta' versi, jinħoloq lejtmotif persistenti ta' inkompletezza Ii jsaħħaħ dan is-sens ta' qari mcaħħad mis-sura sħiħa tal-elementi moqrija. [silta]