Is-sehem edukattiv tar-rumanzier soċjo-realista

Abstract

Dan ix-xogħol jippreżenta xi rumanzi li nkitbu fit-tletinijiet u l-erbgħinijiet tas-seklu għoxrin fejn jidher is-sehem edukattiv and kollha kemm huma saħqu fuq l-edukazzjoni tal-poplu. Dan ix-xogħol ma kienx ristrett biss fuq dawn ir-rumanzi izda ngħatat titwila ħafifa minn fejn beda u xtered is-soċjo-realiżmu. Fis-soċjo-realiżmu letterararju li wieħed isib fil-kitba ta’ l-ewwel nofs tas-seklu għoxrin, qed jiġi ppreżentat aktar mill-qrib il-bniedem innifsu fir-raħal bħala l-bniedem li jaħseb ukoll fis-soċjetà fqira u batuta, mgħakksa u lura, barra li jgħix f’din il-qagħda. L-għerq ta’ kull problema jinsab fin-nuqqas ta’ tagħlim u dawn ir-rumanzi semmew b’mod dirett jew indirett dan l-aspett. Ir-rumanzi mpoġġijin b’mod kronoloġiku u li huma mistħarrġa f’dan ix-xogħol huma: ‘Tejbilhom Ħajjithom’ ta’ John Francis Marks, ‘Leli ta’ Ħaż-Żgħir’ ta’ Ġużè Ellul Mercer, ‘Is-Salib tal-Fidda’ ta’ Wistin Born, ‘Ħelsien’ ta’ Ġużè Bonnici u ‘L-Ibleh’ ta’ Ġużè Orlando.