Analiżi fonetika u fonoloġika tad-djalett Imġarri

Abstract

F’dan l-artiklu se tingħata ħarsa fonetika u fonoloġika lejn id-djalett Imġarri, varjetà mitkellma fil-Punent ta’ Malta. L-Imġarr fih ftit iżjed minn tmien kilometri u sal-aħħar ċensiment, jiġifieri tal-2011, fih kienu jgħixu 3,449 ruħ. Tajjeb jingħad li l-kwiet u l-ambjent rurali ta’ dan ir-raħal ġibdu nies minn diversi lokalitajiet, u dan l-aħħar ilpopolazzjoni qed tikber ġmielha. Madankollu d-djalett Imġarri għadu jiġi mitkellem minn ħafna Mġarrin, u fl-analiżi ta’ dan l-istudju se tinħareġ issistema vokalika ta’ dan id-djalett, u wara, kull vokali se tiġi deskritta minn aspett fonoloġiku.