Il-kuxjenza u l-Membri Parlamentari Maltin

Abstract

X’inhi l-kuxjenza? Liema huma dawk l-ingredjenti li jgħaġnuha? Il-kuxjenza hija assoluta jew relattiva? U l-kuxjenza timmatura mal-bniedem innifsu jew inkella hija fissa għax ma tinbidilx. F’din il-kitba se nkunu qegħdin nipprovaw inwieġbu għal dawn il-mistoqsijiet billi naraw kif jaħsbuha għadd ta’ eks parlamentari Maltin. Ittema tal-kuxjenza fil-politika kemm-il darba ġiet mistħarrġa minn filosfi, moralisti u studjużi oħrajn, imma dan id-duwaliżmu ftit jew xejn kien studjat fl-arena politika Maltija. F’dan il-kuntest, din il-kitba se tkun qiegħda tinkwadra d-definizzjoni ta’ kuxjenza fl-isfond ta’ kif applikata fix-xjenza politika u l-ħidma parlamentari. Wara jkun imiss li jingħata tagħrif dwar il-metodoloġija mħaddma ta’ kif inġabret l-informazzjoni primarja. Ilperspettivi kuntrastanti tal-parlamentari Maltin huma miġjuba fl-aħħar taqsima ta’ din il-kitba li tinkwadra wkoll ir-riflessjonijiet konklussivi.