Is-sentenzi bla truf ta' Simone Galea : riflessjonijiet kritiċi dwar il-ġabra ta' poeżiji xi drabi mqar persuna

Abstract

Bla dubju ta'xejn, għalkemm f'dawn l-aħħar snin rajna numru sabiħ ta' awturi nisa jiffjorixxu f'pajjiżna, in-numru għadu baxx u t-triq għadha twila. Għalhekk it-twarrid ta' awtriċi għandu kważi jkun iċċelebrat b'mod speċjali minħabba n-nuqqas ta'rispett li l-awturi nisa dejjem batew minnu f'pajjiżna u lil hinn. Simone Galea, bil-ġabra poetika tagħha Xi Drabi Mqar Persuna turi l-ħila straordinarja tagħha fl-arti tal-kelma daqskemm turi li tinsab fuq quddiem nett fit-tiġdid tal-letteratura Maltija.