Ismijiet tal-ħut tal-Mediterran = Nomenclature standard for Mediterranean fishes

Abstract

Fil-ħarġa ta' "IS-SAJD" ta' Diċembru, 1960, ippublikajna lista qasira ta' ismijiet ta' xi ħut lokali bl-Ingliż u bil-Malti. Tant kienet kbira it-talba għal din il ħarġa ta' ''IS-SAJD'' illi għadna, sa kważi sena wara, niġu mitlubin nibgħatu kopji tagħha lil kull min ikollu x'jaqsam mal-industrja. Ftit biss baqa' issa minn dawn il-kopji, u għalhekk, bil-ħsieb li dejjem inżidu t-tagħlim f'dan il-qasam, il-ħajra ta' aktar stħarriġ u l-ħidma progressiva, din id-darba ngħatu lista itwal tal-ismijiet tal-ħut tal-Mediterran bl-isem xjentifiku jew tekniku, u bil-Malti, bl-Ingliż u bit-Taljan, ilsna illi l-aktar niltaqgħu magħhom fil-Gżejjer Tagħna.

Ilu mill-1953 li t-Taqsima tas-Sajd tal-Għaqda għall-Ikel u Biedja kellha proposta mill-Prof. G. Bini biex issib isem wieħed għal kull ħuta u b'hekk tnaqqas it-tfixkil minħabba li l-istess ħuta jinbidlilha l-isem skond l-inħawi li fiha tinqabad. Wara xogħol ta' seba' snin, il-Kunsill ġenerali għas-Sajd fil-Mediterran ħareġ "Catalogue des noms de poissons ayant une importance commerciale en Mediterranee" li minbarra l-isem tekniku juri l-isem ta' kull ħuta bl-Ingliż, Eġizzjan, Spanjol, Franċiż, Grieg, Lhudi, Taljan, Malti, Monagesk, Tuniżin, Tork u Jugoslav. [silta]