Ġanni Magro - l-imprenditur Xewki ta’ suċess

Abstract

Ġanni Magro twieled fit-30 ta’ Mejju 1866 fix-Xewkija. Ġanni kien negozjant viżjunarju u bniedem ambizzjuz, u kien kapaċi jdawwar l-isfidi f’opportunitajiet. Jider li Ġanni qatt ma attenda l-iskola, u minn eta’ żgħira kien jagħti daqqa t’id fl-għelieqi u fir-razzett tal-familja. F’żożgħitu kien beda ħiereġ l-aspett intraprenditorjali tiegħu, fejn naraw li beda n-negozju tiegħu proprju f’dar qadima f’tarf ta’ sqaq fix-Xewkija stess għal-ħabta tal-1891. Fl-1916 l-ażjenda Magro Brothers kienet ġiet irreġistrata u formalment imwaqqfa flimkien mat-tlett uliedu. Ġanni kien jinnegozja fost l-oħrajn, il-patata, jixtri u jesporta ż-żerriegħa tal-kemmun u naraw li dan il-prodott kien laħaq is-suq Olandiż ukoll. Ġanni kien ukoll involut fin-negozju tal-qoton , it-tkabbir ta’ għoġġiela li kien jimporta sabiex jitkabbru hawn. Aktar tard, flimien ma uliedu, daħlu għall-ipproċessar tad-tadam, u fl-1933 kien diġa’ beda jopera bi prova.