Żewg niċeċ ta’ San Ġużepp fix-Xewkija

Abstract

Fil-Pjazza San Ġwann Battista, kantuniera ma Triq San Bert fix-Xewkija, insibu niċċa ta’ San Ġużepp li ġiet skolpita fil-ġebel fl-1891 minn Mikiel Gauci. Taħt din in-niċċa nsibu iskrizzjoni datata 24 ta’ Marzu 1891 li tgħid li Mons. Giovanni Maria Camilleri, Isqof t’Għawdex kien ta’ indulġenza ta 90 ġurnata lil min jagħti qima lil din ix-xbieha. Fi Triq l-Indipendenza insibu niċċa oħra pjuttost kbira ta’ San Ġużepp b’ Ġesu’ maġenbu. Din l-istatwa ġiet ikkumisjonata minn Dun Ġużepp Attard li kien jgħix fl-istess dar sabiex jonora lill-qaddis li kien imsemmi għalih. Din l-istatwa tal-ġebel inħadmet mill-Kanonku Dun Spir Sammut, li kien studja Seminarju ta’ Għawdex. Miktub ħdeja insibu li b’digriet tal-15 ta’ Ġunju 1932, l-Isqof Mons. Mikiel Gonzi kien ta’ indulġenza ta’ 50 jum lil min jirreċita Missierna, Sliema u Glorja quddiem din l-istatwa.