Analiżi ta’ kitbiet narrattivi tal-istudenti tas-sitt sena tal-primarja

Abstract

L-għan ta’ din ir-riċerka kien li titlaqqqa’ l-ħila tal-kitba ma’ dik tal-grammatika permezz tat-teorija tal-Grammatika Funzjonali. L-istudju sar permezz tal-metodu tal-Analiżi tad-Diskors fejn tliet kitbiet mill-eżami tal-Benċmark tas-sena 2019 ġew analizzati. It-tliet kitbiet ġew analizzati permezz tal-Analiżi Sistemika li hi tip ta’analiżi lingwistika li tħares lejn il-kitba klawżola, klawżola fid-dawl tat-tliet Metafunzjonijiet tal-lingwa (Halliday, 2004). Permezz ta’ din l-analiżi ġew identifikati l-bżonnijiet tal-istudenti u ġew proposti xi attivitajiet pedagoġiċi prattiċi li għalliema jistgħu jimplimentaw fil-klassijiet biex jindirizzaw il-bżonnijiet tal-istudenti. Din ir-riċerka tista’ tgħin lill-għalliema jkabbru l-għarfien tagħhom biex ikunu jistgħu jgħallmu u jevalwaw il-kitba narrattiva b’mod iktar effettiv.