Mużika u baned

Abstract

Hawn ser niġbor tagħrif dwar mużika u baned mis-seklu dsatax meta nistgħu ngħidu beda moviment ta ' baned popolari fostna mħajjar mill-Baned Militari li kellna. Dan it-tagħrif li aħna ġbarna minn diversi ġurnali ma jinkludix kollox, iżda għamilna għażla li minnha wieħed jieħu idea kif twieled u nxtered dan il-moviment. Aħna nagħtu t-tagħrif fi kliemna u filqosor. Jekk wieħed ikun irid jaf aktar, jista' jsib il-ġurnal ikkwotat u jeżamina r-rapporti . Sfortunatament fl-imgħoddi fiċċirkustanzi, il-ġurnali kienu l-aktar jippubblikaw tagħrif dwar dak li kien isir fil-kapitali u l-inħawi. Dan seta' kien kawżat minn nuqqas ta ' kuntatt u pubbliċità min-naħa stess tal-każini u l-ġurnalisti . Peress li l-artiklu hu twil ħafna ser naqsmuh f' diversi partijiet. Nifhmu li l-ġabra għandha sservi biex wieħed jista' jikseb aktar tagħrif, l-aktar illum meta għandna bosta li jqallbu biex jgħarblu l-imgħoddi fil-ġrajjiet tal-baned u mużika.