Riżorsi dwar il-qasam tas-saħħa fil-Malti bħala lingwa barranija

Abstract

Din it-teżi tiffoka fuq il-ħolqien ta’ riżorsi marbutin mat-tmien tema tas-sillabu A1 tal-Malti bħala lingwa barranija, 'Nibżgħu għal Saħħitna'. Il-proġett tiegħi, immirat għall-istudenti barranin fl-aħħar snin tal-primarja, huwa storja diġitali maqsum fi tliet kapitli, maħluq fuq is-sit elettroniku Book Creator, li huwa aċċessibbli għal kulħadd mis-sit elettroniku: https://www.malti.skola.edu.mt; fejn ġie ppubblikat: https://malti.skola.edu.mt/malti-barranin/il-malti-ghall-barranin-primarja/vokabolarju-ml b-primarja/#Nikbru-bSahhitna-ma-Karl Fl-istorja diġitali ħloqt taħriġ interattiv sabiex l-istudenti jkunu fiċ-ċentru tat-tagħlim u motivati biex jitgħallmu. It-taħriġ huwa livellat, b’mistoqsijiet miftuħa u differenti. Użajt ukoll programmi varji diġitali sabiex ħloqt il-ktieb diġitali. L-aspetti grammatikali li ffukajt fuqhom huma n-numri ordinali, il-pronomi interrogattivi u l-partijiet tal-ġisem marbutin kollha mat-tema tas-saħħa. Il-ħolqien ta’ dawn ir-riżorsi huma bbażati fuq il-pedagoġijia tat-teorija soċjokulturali u tat-teorija tal-kostruttiviżmu soċjali b’relazzjoni mat-teknoloġija. Fil-ħolqien tar-riżorsi semmejt ukoll l-erba’ verbi: 'ċaqlaq', 'marad', 'kiber', 'ħeba'; li aġġornajt fil-proġett tal-MaltiTek sabiex jiġu ppubblikati fil-'Ġabra'.